Shillong, Rymphang 09: Ka khubor ba la ïoh na ki pulit la ïathuh ba ki la ïohpdiang ka jingtip ba ha ka 5 tarik mynta u bnai ha ka por kumba 9.50 baje mynmiet, ka la don ka jingïania hapdeng ki arngut ki nongñiah trok kiba kyrteng u Channiah Suiam bad Regardstone Dhar ha 13th Mile Tamulkuchi kaba dang hab hapoh ka Byrnihat PS (RB) bad ha kane ka jingjia u Channiah Suiam u la dung ïa u Bah Regardstone Dhar da ka tari.
Ha kane ka jingjia, utei u lanot u la mynsaw bad la pynkitnoh sha PHC Byrnihat bad nangtei pat la pynkit noh sha kawei pat ka jaka sumar kaba kham biang ban ïoh ka jingkhmih bniah kaba bha.
