Nongpoh, Nailur 22: U wei u samla naka shnong Khliehshnong, Sohra 27 snem ka rta u la mynsaw jur hadien ba ka scooty kaba u ñiah kala hap sha nala namar ka jingpynher sted.
Kane ka jingjia kala jia mynta ka janmiet haka por kumba 3:25 baje eiei ha kaba utei u samla bala tip kyrteng kum u Mariawan Kynta, u dang mih na Shillong da kawei ka scooty kaba don ïa u number ML 05 T 4679 ban hiar sha ki thaiñ Nongpoh, hynrei ynda poi haka shnong Dulongnar ha Ri-Bhoi District hajan Lay Bye Market utei u samla u la hap ryngkat bad ka scooty sha nala haduh ba u steering u la sahkut shabar ka jingtap nala katba ka scooty kala rung syndon sha khrum.
Ha katei ka jingjia utei u samla u la mynsaw jur haki bynta jong ka khlieh bad ki pulit jong ka Nongpoh Traffic Police tang mar sien ioh jingtip kila leit mar mar sha katei ka jaka ban pynlong ka jingtohkit bad pynkit noh ïa utei u samla sha Nongpoh Civil Hospital naka bynta ka jingsumar ba kyrkieh, hynrei namar ka jingjur jong ka jingmynsaw ki doctor kila phah pynkynriah noh sha ki jaka sumar ba kham shalor.
Ki pulit kila rah noh ïa katei ka scooty sha thanad Nongpoh bad ka jingtohkit ka dang ïaid shakhmat.
