Shillong, Naitung 8 : Hynniew ngut ki briew ki la mynsaw jur haba kawei ka night supper bus kaba don u number AS 01 NC 2524 ka la kylla khongpong ha ka shnong Gomaijira, West Garo Hills na ka daw ka jingpynher sted palat u nongñiah.
Kane ka jingjia ka la jia ha ka por 2.30 baje mynne dang step phyngap. Kane ka bus ka la mih na Guwahati ban leit sha Mankachar lyngba ka Tikrikilla. ïa kitei kiba mynsaw la pynkit mar mar sha hospital. U nongñiah jongkane ka bus u la phet rieh bad ki pulit ki dang thwet ban kem ïa u.
