Mynsaw 2 ngut ha Assam na ka jingkhynñiuh u jumai

Guwahati, Kyllalyngkot 5: Ar ngut ki briew kila mynsaw na ka jingkhynñiuh u jumai uba 5.1 magnitude ha central Assam ha ka step kynjat shai mynta ka Lah Sngi U Blei.
Kine kiba la mynsaw la ithuh kum ka Joymoti Dewri (80) bad u Manoj Kumar. Baroh arngut ki dei ki nongshong shnong jong ka shnong Dalbori kaba hap ha Mikirbheta circle kaba don ha Morigaon district jong ka Assam.
Ka Dewri ka la mynsaw na ka bynta jong ka khlieh katba ka dang mareh shabar na la ïing bad u Manoj u la mynsaw malu mala.
Kat kum ki khubor, la ïathuh ba ka jingjulor kaba rit ka la jia ruh ha ki katto katne ki ïing ha Morigaon district na une u jumai u la khynñiuh ha ka por 4.17 baje mynstep.
Ka jingkhynñiuh u jumai ka la pynbor ia ki briew ban phet krad na ki ïing ki sem jong ki sha ki jaka ba long thylli ne madan.
Ki heh ophisar, ki ïathuh ba ïa katei ka jingkhih jumai, lah ïohsngew ha ka central-western Arunachal Pradesh, Meghalaya, bad ha ki bynta jong ka Nagaland, Manipur, Mizoram, Tripura bad northern West Bengal.
Ka thaiñ shatei lam mihngi ka don ha ka jaka ba jur bha ka jingkhynñiuh jumai bad ka long ka jaka ba ïaid lynti u jumai, namar kata ki jingkhynñiuh jumai ki ju jia man ka por hangne.