Nongpoh, Nailar, 31: Ar ngut ki briew ki la mynsaw hadien kawei ka thuk thuk kaba ki shong ka la syntuid bad sied sha shilliang u surok bah National Highway 6 ha ka shnong Umran Dairy namar ka jingpynher sted.
Kane ka la jia ha ka Sngi U Blei ha ka por kumba 2 baje eiei janmiet ha kaba katei ka thuk thuk bym pat don number bala ñiah da u Wanniang Kharakor (27) bad u wei pat u paralok ba shong nadien bala tip kyrteng kum u Teiborlang Kurbah (37) kiba dei na Mawlai Nongkwar
Hadien katei ka jingjia ki Pulit ka Umsning PS mar mar ki la leit sha katei ka jaka bad la pynkit noh ïa kitei ki 2 ngut sha Umsning CHC na ka bynta ka jingsumar bad katkum ka kaiphod na ki doctor la lap ruh ba kitei ki 2 ngut ki la don hapdeng ka jingshoh u khawiang bad ki pulit ki dang pynlong ka jingtohkit halor katei ka jingjia katkum ki kyndon ka aiñ.
