Delhi, Nailar, 24: Ka Kynhun Myntri ba la khlieh da u Myntri Rangbahduh ka ri u Narendra Modi ka la mynjur ïa ka Unified Pension Scheme (UPS) ha ka sngi Saitjaiñ.
Ki mat ba kongsan jong kane ka UPS ki long ka jingpynthikna ban ïoh baibam tymmen; 50% jong ka tulop Average Basic kaba ïoh ha ki 12 bnai ba ladep shuwa ban shongthait haba la trei kumno kumno 25 snem. Kane ka tulop kan long na ka bynta kito kiba la trei kham duna ki snem ha kaba kaba duna eh kan long 10 snem.
Ka jingpynthikna ka jingïoh baibam tymmen ka longiing kaba long 60% ka baibam tymmen shuwa ban khlad.
Ka jingpynthikna ïa ka baibam tymmen ba duna tam kaba long 10,000 ha ka shi bnai haba shong thait hadien ba la trei 10 snem.
Ka Inflation Indexation ha ba la pynthikna ïa ka jingïoh baibam tymmen jong ka longiing bad ka jingpynthikna ka jingïoh ka bai bam tymmen ba duna tam.
Dearness Relief katkum ka All India Consumer Price Index for Industrial Workers (AICPI-IW) na ka bynta ki nongtrei
Ka jingai jingsiew shisien ai haba shong thait ha ryngkat ka Gratuity
1/10th jong ki jingïoh jingsiew ha ka shi bnai (tulop + DA) katkum ka tarik ba la shongthait na ka bynta man ka hynriew bnai ba ladep trei bad kane kan ym pynduna ïa ka bai bam tymmen ba la pynthikna ban ïoh.
