Shillong, K’ Lyngkot 16: Ka Kynhun Myntri ka Sorkar Jylla ha ka sngi Thohdieng ka la ai jingmynjur ïa ka Meghalaya Border Area Development Service Rules 2025.
Haba ïadei bad kane haba kren sha ki lad pathai khubor hadien ka jingïalang, u Myntri Rangbah Conrad K Sangma ula ong, “Ka service rules jong ka tnad Meghalaya Border Area Development ka la ïoh ïa ka jingmynjur na ka kynhun Myntri ha ka sngi Thohdieng”.
U la ong ba ka jingmynjur ïa ka service rules la khmih lynti ba kan wanrah ïa ka jingshai ha kiba liang bapher bapher haka jingshakri kam bad ka jingkyntiew kyrdan ïa ki nongtrei jong ka Tnad Border Area Development.
Namar kata, u la bynrap da kaba ong ba la bthah ïa baroh ki tnat ba kin wanrah ïa la ki jong ki jong ki service rules.
