Shillong, Rymphang 03: Ka kynhun Myntri sorkar ka jylla ha ka sngi Palei ka la mynjur ban pynkylla ïa ki saw tylli ki service rules.
Kine ki saw tylli ki service rules, kiba la pynkylla ki dei ka The Meghalaya Accounts Service Rules, 1996, The Meghalaya Local Fund Audit Service Rules, 1996, Amendment of Rule 5 jong ka Meghalaya State Electricity Regulatory Commission Rules, 2003 bad ka The Meghalaya Food and Civil Supplies Rules, 2001.
“Kumba phi la tip ba ka jingpynkiew kyrdan ha ki tnat la pynsangeh bad kane ka la kylla long ka jingeh bad kumta kine ki kyndon ba la pynkylla ki dei ban don ha ka jaka,” ong u Myntri Rangbah ka jylla u Conrad K Sangma haba kren sha ki lad pathai khubor.
“Kine ki jingpynkylla la leh na ka bynta ban kynthup kato katne ki OM ha kaba ki don ki bynta ba ïa ki kyntien ruh hap ban pynkylla, ha ki katto katne ki bynta ba la shimrai da ka kynhun Myntri, katto katne ki jingpynkylla dei ban wanrah ha ki kyndon ban shong nongrim bad kito ki rai ba la wanrah hapoh ka kynhun Myntri. Kumta kine ki jingpynkylla kidei kiba donkam ha kine ki saw tylli ki service rules,” u la bynrap.
