Shillong Ïaïong 08: Ka kynhun Myntri jong ka sorkar jylla ha ka sngi baar ka la mynjur ban pynkylla ïa ka Meghalaya Housing Engineering and Technical Service Rules, 2017 (MHETSR) kaba dei ïa ki principal rule jong ka tnat housing.
Haba ïathuh ïa kane hadien ka jingïalang u Myntri Rangbah ka jylla u Conrad K Sangma u la ong, “Naba ki don ki kam kiba la nang bynrap shuh kiba la thaw thymmai da ka tnat housing na ka bynta ban pyndep ïa ki kam bapher bapher kumta ïa kine ki category bapher bapher donkam ban kynthup ha ki service rule bad kumta ïa ki service rule donkam ban pynkylla thymmai khnang ban lah ban kynthup ïa ki category ba thymmai ba kynthup ruh ïa ki nongtrei ba la wanrah da ka tnat housing.”
“Ïa kine baroh la dang khmih bniah da ka tnat law, ka personnel department bad ka finance department,” u la bynrap.
