Shillong, K’Lyngkot 17: Ka jingïalang jong ka kynhun myntri sorkar kala ai jingmynjur ïa lai ngut ki kyrteng ki banioh pdiang ïa ka khusnam ha ka Meghalaya Day award 2026.
Ïa u Dr. KS Nongkynrih la mynjur na ka bynta U Tirot Sing Syiem award halor ka Arts & Literature, Fr Binoy na ka bynta u Patogan Sangma award halorka Social services bad ka Riyolang Dhar na ka bynta U Kiang Nangbah award halor ka Sport and Games, la pynbna u myntri rangbah hadien ba la dep ka jingïalang.
La jied ïa kine ki nongioh khusnam halor ka jingnoh synniang ba khraw ka jong ki ha la ka jong ka liang.
U Dr. KS Nongkynrih, u Fr Binoy bad ka Riyolang Dhar yn sa ithuh ïa ki ha ka jingrakhe ïa ka Meghalaya Day ha ka 21 tarik mynta u bnai.
U Myntri Rangbah ka jylla u Conrad K Sangma u la bynrap ruh ba ka kynhun myntri kala pdiang bad mynjur ïa ki jingkren ha ka Republic Day, ïa kaba un hap pule da u Lat ka jylla ki myntri sorkar bad kiwei kiwei ha ki bynta bapher bapher jong ka jylla.
