Shillong, Nohprah, 10: U National Spokesperson jong ka All India Trinamool Congress (AITC) u Saket Gokhale u la mudui ha u Superintendent of Police, East Khasi Hills pyrshah ïa u Symbud Myntri Rangbah ka Jylla u Bah Prestone Tynsong halor ka jingshah sin kum u ‘shiteng khlieh’ (psycho).
“Ha ka 16 tarik, Nohprah, 2022, u (Bah Prestone Tynsong) la kynthoh ha ki lad pathai khubor ïa nga kum u shiteng khlieh (psycho). Ïa kane ka jingkynthoh la pynmih ha ki lad pathai khubor ka jylla Meghalaya bad ha ki lad pathai khubor jong ka ri,” ong u Gokhale ha ka jingujor ha u SP.
“Namarkata, ng kyrpad ba phin rejister ïa ka jingujor hapoh ka Section 499 Indian Penal Code (IPC) pyrshah ïa u Bah Prestone Tynsong halor ka jingkynnoh ba pynlehraiñ bad ban ai jingtip sha u nongujor,” ong u Gokhale.
