Shillong, Jymmang 08: U Bah Erwin K Sutnga ha ka sngi u Blei u la ujor da ka ejakahr pyrshah ïa kawei ka youtube channel ïa kaba la ai kyrteng Young Move Media halor ka jingpynmih jong ki ïa ka video kaba la jer kyrteng The Shillong File: Core Issue Ep. 97 kaba la pyni ïa ka jingshah thombor ki Hindu ha ki Khristan bad ha ki Khasi hi baroh.
Ïa kane ka ejahar u Bah Eriwn u la ujor ha Sadar Poilice Station.
“Ha kane ka video la ïalam bakla ba ka don ka jingshah thombor ki Hindu bad da kane ka vieo kan wanrah ïa ka jingïakynad kaba khraw hapdeng ki Hindu bad ki Khristan jong ka jylla,” ong u Bah Erwin ha ka ejahar.
Lah ban kdew hangne ba ha kane ka video ka kynthei kaba kren ka la kam ba ka don ka jingshah thombor kaba khah khah ki Hindu ha ka jylla bad khamtam eh naduh ba la mih ka KSu bad ka FKJGP ha kaba ka la kynnoh ruh ba ki dei ki seng lehnoh.
“Ka dei ïa phi ban shim da ki sienjam ban kem bad pynngat ha ki kyndon aiñ ba tyngeh ïa u trai bad kato kaba kren namar lada kan ïalam bakla kumne kan mih ka jingïakynad jaidbynriew bad kan buh jingma pat ïa ki samla jong ngi kiba don shabar ka jylla,” ong u Bah Erwin ha ka ejahar.
