Mih seng 290 ngut ki nongïalam bad ki dkhot jong ka EJH Mahila Congress Committee ban pyniasoh bad ka NPP

Khliehriat nailar 23: Ki 290 ngut kiba kynthup ki dkhot bad ki nongïalam jong ka East Jaiñtia Hills Congress Committee mynta ka sngi ki la phah ïa ka shithi iehnoh kam jong ki sha ka Meghalaya Pradesh Congress Committee bad ki la don ka jingthmu ban pynïasoh noh bad ka party National People’s Party, da kaba ong ba dei tang u ma Nehlang Lyngdoh uba lah ban pyllait na ki jingshah the mraw.
Haba kren sha ki pathai khubor, ka President jong ka East Jaiñtia Hills Mahila Congress Committee, ka kong Jhanika Siangshai ka la pynpaw ba “ngi ki nongïalam bad ki dkhot ngi la rai ban mih noh na ka party congress, hooid kane ka party ka dei kaba ju kyrshan bad pynkup bor ïa ngi ki kynthei kumba la ïalam ltnti da ka party, hynrei mynta pat ngi ïohi bad sngewthuh ba ngim don u kyrtong ne u briew uba lah ban kyrshan ïa ngi ha kino kino ki kam ne kino kino ki mat bad ngi sngewthuh bad u ma Nehlang Lyngdoh, u kyrtong jong ka NPP u dei uba lah ban ïarap bad uba sngewthuh ïa ki jingeh jong ngi bad uba lah ruh ban pyllait ïa ngi na ki jingshah teh mraw, kumta ngi la rai ban ai ka jingkyrshan ïa utei u rangbah na ka party NPP u ban ïa ai reng ha ka MLA election ha u snem 2023 na ka 6-Khliehriat Constituency.
Ha kajuh ka por katei ka nongïalam, ka kong J.Siangshai, ka la ai ruh ka jingïaroh ïa u nongïalam ba rangbah jong ka NPP, uba dei ruh u myntri rangbah ka jylla, u Conrad Sangma, uba sngewthuh ïa ki jingeh bad uba sngewthuh ruh ïa ka dor ban pynkup bor ïa ki kynthei, kumjuh ruh kum u bah Bajop Pyngrop, uba dei u Youth President jong ka NPP uba long uwei na ki nongïalam ne nongprat lynti khamtam ïa ki kynthei.
Ka kong Gracebidel Rymbai, kaba ju bat kum ka President jong ka Mahila Ladrymbai Unit, ka la ong bad pynpaw da ka mynsiem kaba sngewkhia ba kum ki nongïalam jong ka Mahila ki hap ban iehnoh kam noh hynrei ym banse pat ban iehnoh namar ba ym lah ban ioh ïa uta u kyrtong uba biang ban pynieng na ka liang ka party Congress, la ong ba da ka jingïasngewthuh lang ki la shim ïa ka rai ban iehnoh ïa ka party Congress bad ban kyrshan noh ïa u ma Nehlang Lyngdoh jong ka party NPP.
Ki shiphew ngut ki nongïalam kiba la iehnoh kam ki kynthup ka President EJH Mahila Congress Committee, ka kong Jhanika Siangshai, ki Vice President, ka kong Shimika Sungoh bad ka kong Blitmon Siangshai, Treasurer, ka kong Damanbha Swer, General Secretary, ka kong Jenita Mukhim bad ka kong Pynsuk Kharbudon, Vice President, ka kong Gita Sona, Secretary, ka kong Pretty Jyrwa, Unit President, ka kong Gracebidel Rymbai, Unit President, Darisha Ryngkhlem, kine ki shiphew ngut ki nongïalam jong ka Mhaila Congress na East Jaiñtia Hills lem bad ki ar spah phra phew ngut ki dkhot ki dei kiba la mih noh na ka party Congress bad leit pyniasoh bad ka NPP.