Nongpoh, Nailur 15: Hadien ka jingpyrshah na kiba bun ki liang halor ka jingthmu ka sorkar ban wanrah ïaka ktem khalai (Casino) ha Ri-Bhoi District, ka sur pyrshah kala nang jur hadien ba mynta ka sngi 4 tylli ki sengbhalang kila mih shakhmat ban pyrshah ïa ka jingwanrah ïaka ktem khalai ha Ri-Bhoi ba kynthup ïaka HANM, RBYO, MPSO, bad MPUF.
Haba kren sha ki lad pathai khubor naka liang kitei ki 4 seng kila ther tyngeh ïaka sorkar jylla hapoh ka jingïalam u Conrad Sangma bala shu pynshad shrieh ïaki paidbah ha kaba ïadei bad katei ka ktem khalai ha kaba ka sorkar kala pynbna ba la pynsangeh noh namar ka jingpyrshah jong kiba bun ki paidbah, ki kynhun ñiam bad kumjuh ruh ki sengbhalang bad ki nongïalam shnong, hynrei kaba sngew lyngngoh ka long ba haka jubab jong u James Sangma Myntri ka tnad Law ka jylla u la pynbna ba ka sorkar kala dep ban ai kumba 3 tylli ki license ba shipor naka bynta ban buh ïa katei ka Casino ha Ri-Bhoi.
Naka liang kitei ki 4 seng kila ther ruh ïaki MLA ka jong ka Ri-Bhoi kiba shu sngap jar bad ki bym kren eiei halor katei ka phang ban pynpaw ka jingpyrshah ha iing Dorbar thawaiñ ka jylla
