Shillong, Nohprah 10 : Ka sorkar Jylla lyngba ka Notification kaba la pynbna lyngba ka tnad Home (Police) ka la pynbna na ka bynta ïa ka jingthaw ïa ki ar tylli ki Police Outpost ba thymmai ha Zikzak ha West Garo Hills District kaban tip kum ka Zikzak Police Outpost bad ha Raksamgre ha West Garo Hills kaban tip kum ka Raksamgre Police Outpost.
Ki pud ki sam jong ka Zikzak Police Outpost ki kynthup ïa ka Ampati Police Station ha ki bynta ba shatei, ka Salmanpara Police Station ha ki bynta phang mihngi, ka Purakhasia Outpost ha ki bynta ba shathie bad ka Mahendraganj Police Station ha ki bynta phang sepngi.
Shuh shuh la pyntip ruh ba ki pud ki sam jong ka Raksamgre Police Outpost pt ki kynthup ïa ka Tikrikilla Police Station bad Pedaldoba Outpost ha ki bynta ba shatei, Pedaldoba Outpost (West Garo Hills) bad Bajengdoba Police Station (North Garo Hills) ha ki bynta phang mihngi, Damal Asim Police Station bad Tikrikilla Police Station ha ki bynta ba shathie bad Tikrikilla Police Station ha ki bynta phang sepngi.
