Sohra, Nohprah 05: U MDC barim jong ka Sohra, u Bah Donevan Kharwanlang, u la pyntip ba u la mih noh na ka Seng Congress mynta ka sngi. Ha kajuh ka por u Bah Donevan uba long ruh u President ka Sohra Block Congress Committee, u la pyntip ruh ba u la iehnoh kum u dkhot jong ka Seng. U Bah Donevan u la jop ïa ka elekshon MDC ha u snem 2014 da kaba pynliem ïa u Bah Titostarwell Chyne, uba long u MDC ba mynta bad CEM ka KHADC. Ha u snem 2019 u la ïakhun biang hynrei u la shah pynliem ha u Bah Titos. U Bah Kharwanlang um shym la pynpaw ïa ka daw ba u mih noh na ka Congress lane pynpaw sha kano ka Party un leit ïasoh ne la un ïakhun ne em ha kane ka elekshon MLA.
