Nongpoh, Ïaiong 02: Kumba shi kynhun ki samla kiba la kah durkhmat mynta ka sngi kila leit ban thombor ïaki bar jylla kiba shong iew ha Tyrso tang hadien ka jingkynad kaba la mih haka shnong Jatalong ha Ri-Bhoi hadien ka jing shah shoh pynmynsaw ki samla khasi.
Katkum ka khubor bala ïoh lum, kumba katto katne ngut ki samla kiba la kah durkhmat kila leit sha ka Iew Tyrso kaba long Iew mynta ka sngi bad thombor beit beit ïaki bar jylla kiba shong iew kaba la wanrah ruh ka jingmynsaw na katei ka jingjia.
Naka liang ki bor shnong jong ka shnong Tyrso kila pynrem jur halor katei ka jingjia bad ruh kin ujor da ka ejahar pyrshah ïa ki briew kiba thmu ban wanrah ïaka jingthud haka shongsuk shongsaiñ ha katei ka jaka.
