Khliehriat,Jymmang 12: Ka Bataw Biodiversity Management Committee (BMC) kaba na East Jaiñtia Hills District ka la leit ban mihkhmat na ka jylla Meghalaya sha ka workshop METT For Indian Wetlands kaba long ha nongbah Kolkata ha kaba la leit ban mihkhmat da u bah Deihok Sumer uba dei u waheh shnong Bataw bad uba bat ruh kum u Chairman ka Bataw bad u bah u Waster Sympli, u Kenneth Pala, uba dei u Senior Adviser, GIZ uba peit ïa ka thaiñ shatei lammihngi jong ka ri India.
Ka Bataw Biodiversity Management Committee ka la ioh ïa kane ka lad ban leit sha katei ka workshop dei lyngba u P. Bakshi, IAS u ba dei u Chairmanjong ka Biodiversity Board jong ka sorkar Meghalaya uba la phah sha u Kunal Bharat, Forest & Biodiversity Advisor, Indo-German Biodiversity Programme, la wan ruh ban ïa shimbynta lang da u Debal Ray, IFS Principal Secretary and PCCF (HoFF) jong ka sorkar West Bengal lem bad ki ki Scientist kiba pyniaid ïa ki Ramsar Site ha ki jylla bapher bapher.
U bah Deihok Sumer u la iathuh ba ha kane ka workshop ba la pynlong ha Kolkata la pynlong da ka Ministry of Environment Forest & Climate Change (MoEF&CC) ha ka jingiatreilang bad ka Deutsche Gesellschaft fur Internationale Zuzammenarbeit (GIZ) GmbH kumjuh ruh bad ka Wetlands International South Asia (WISA) bad la ïa wan ban ïa shimbynta lang da ki khatwei tylli ki jylla bapher bapher na ri India kiba kynthup ka Odisha, West Bengal, Jharkhand, Sikkim, Assam, Arunachal Pradesh, Meghalaya, Manipur, Mizoram, Nagaland, ka Tripura bad kiwei kiwei.
Ka jingthmu jong kane ka Workshop ka long halor ka phang kumno ban pynneh pynsah ïa ka mariang, ia ki wahrit, ki wah heh, la ong ruh ba kane ka workshop ka long kaba ai jingmyntoi bha ha kiba bun ki liang khamtam ha kaba pynneh pynsah ïa ka mariang bad ka spah jong ka mei ramew.
