SHILLONG, Nohprah 03: Ka kynhun ïalehkai Under-11 bad Under-13 jong ka PFR Football Academy kala mih na nongbah Shillong ha ka sngi Balang ban leit ïashim bynta ha ka U11 & U13 Bangkok International Super Cup ka ban long ha Thailand naduh 06 tarik mynta u bnai.
Ha kane ka lympung ka PFR Football Academy kan ïa khun pyrshah ïaki Club kiba naka ri Thailand, Indonesia bad Phillipines.
Ka Under 11 kala shah pyn ngat haka Group B ha kaba kan ia khun 5 tylli ki Match haka League Stage katba ka Under 13 hapoh ka Group C ha kaba kin ia khun 6 tylli ki Match hapoh ka League.
Haba ïa kren bad ki Coaches kata i Nylla Meri Wahlang bad Jewelson Lyngdoh, ki ong ba kum ka Kynhun kila pynkhreh bha bad ki kyrmen ban ïoh kheit ïa u soh jong ka jingjop kaba long ka burom ym tang ïa ka Academy hynrei ïa ka ka Jylla bad ka ri hi baroh kawei
