Ka kynhun ïalehkai jong ka Meghalaya ka kynthup Rimankhraw Kharumnuid, Riborlang L Lyngkhoi,
Franky Dkhar,
Mebannangkiew Thabah,
Chibait Pamthied,
Banpliebok Khongjoh, Banlamkupar Rynjah, Deibormame Tongper,
Ricky Kharkongor,
Richborn Kharpuri,
Bipush G Marak,
Babitlang Wahlang,
Jovialstar L Lyngkhoi, Pyrkhatshaphrang Sumer, Nikiboy Swer,
RT Hanson Pdang,
Pynshailang L Nonglait
bad Arkini Laloo.
Katba ki nongïarap jong ka kynhun ki kynthup ïa u Bah Bobby L Nongbet (Coach) bad Damehi Kyndiah kum Assistant Coach/Manager.
Shillong, Ïaiong 22 : Ka Meghalaya Football Association (MFA) ha ka sngi Ba-ar ka la phah ïa ka kynhun ïalehkai phutbol ka jylla ban leit aireng ha ka Swami Vivekananda U20 Men’s National Football Championship 2025 kaban long ha Narainpur, Chhattisgarh.
Ha kane ka jingleit kitbok ïa ki nongïalehkai kaba long ha madan SSA Stadium, Polo la donlang naduh u President ka MFA, Bah Hamletson Dohling, General Secretary Bah Sunesh Syiem, Vice-President Bah Cliff Nongrum bad ruh u dkhot ka Synjuk Bah Freddy Kharpran nalor kiwei kiwei.
Na ka liang u Bah Hamlet ha ka jingkren kitbok ïa ka kynhun, u la ong ba ka Jylla bad na ka liang ka Synjuk ki ai ka jingkitbok ba ka kynhun kan lah ban ïalehkai bha bad ruh ban wanrah ïa ka khusnam lahduh sha la iing.
Ka Meghalaya ka la ngat lang ha ka Group A ryngkat bad ka Kerala, Jammu & Kashmir, ka Bihar bad Rajasthan. Ïa kane ka kynhun yn ïalam da u Bah Bobby L Nongbet kumu Coach.
Ka jingïakhun ba nyngkong jong ka Meghalaya kan long pyrshah ïa ka J&K ha ka 27tarik mynta u bnai.
Baroh kin don haduh 36 tylli ki kynhun ïa kiba la phiah pat ha ki phra Group, kata saw group kaba don mar san tylli ki kynhun bad saw group pat kaba don mar saw tylli ki kynhun.
Kumban shu phai dien, ka Delhi ka dei ka lahduh ha ka samoi ba la dep hadien ba ka la jop ïa ka jingïakhun final kaba long ha u Jymmang 2024.
Ha ka jingïakhun, tang phra tylli ki kynhun kiba lahduh na ki group kin ïoh rung pat sha ka quarter final ha kane ka lympung kaba sdang naduh ka 10tarik Ïaiong mynta u snem.