Jowai, Jymmang 15: Kat kum ka jinglum jingtip bad ka khubor bala phah da u ma C. Sungoh Secretary bad u Bah, J. Phawa President, kala don ka jinglip light haka shnong Mihmyntdu Moowamon naduh ka por 12:30 shiteng synnia haduh ka por 4 janmiet jong ka 15. 5. 2022.
Kane ka jinglip light kam dei naka daw jong ka load shedding hynrei naka daw jong ka jingkdiah bad jinghap jong ka tnad diengkseh kaba don harud surok National Highway ha pyrshah ka iingtreikam jong ka District Transport Officer West Jaiñtia Hills District, Jowai.
Namar ba kane ka jaka bad kine ki dieng ki dei ki jong ka MTC – Jowai Depot te ka seng kala ai jingtip lyngba ka jingthoh sha u Depot Manager bad kala ïathuh shaphang ka jinglong jingman jong ki ne ki dieng baki tnad kila kfor sha pdeng surok baki la ïaw la ïap bad ki lah ban kheiñ ban hap shapdeng surok ha kano kano ka por bym poi pyrkhat kaban wanrah ïaka jingjia ba sngewsih ïaki kali bad ki briew kiba ïaid ba ïeng.
Hynrei kane ka Department kam sngap iakane ka jingdawa jong ka seng bad kane ka jingjia ba sngewsih kala sdang ban jia. Kumta ka seng ka kyntu bad dawa ïa kane ka Department ba kan shim khia mardor ban ngor lane pom ïakine ki tnad bad kine ki trai diengkseh bala ïaw bad lada kahe ka Department kam leh ïakane ka kam te lada jia kaei kaei kaba sngewsih te ka jingbahkhlieh kan dei ka jong ka.
