Ahmedabad, Jylliew 13: Ha ka khubor kaban ai mynsiem ïa ki samla ki bym shymlah ban leh bha ha ka eksam Matrik, uwei u ophisar IAS na Gujrat, u la ïathuh ba ba ka por ba u ïaleh ïa ka eksam Class X ne ka SSLC ba ïa ong shane, u la pyndep ïa ka Civil Service Exam bad long IAS, wat lada ha ka eksam Class X, u ïoh tang 35 mark ha ka English bad 36 ha ka Mathematics.
Une u ophisar udei u Tushar D Sumera, uba long u DC jong ka Bharuch ha Gujarat.
Ïa kane ka mark sheet jong u Sumera, la pynmih paidbah ha ki Social Media da u Awanish Sharan, uwei pat u Ophisar IAS na Chhattisgarh. U Sharan ha kane ka post jong u, u la ong ba ym tang ha ka skul ba u Sumera u pule, hynrei wat ha ka shnong baroh kawei ruh, ki paidbah ki la ong ba un nym poi shano shano ruh ha ka por ba u pass Class X.
Hynrei u Tushar u la pass IAS ha ka snem 2012, hadien ba u la pyndep ïa ka BA bad trei ruh kum u Nonghikai shuwa ba un ïakhun ïa ka eksam UPSC.
