Nongpoh, Nailar 16: Ha kawei ka jingjia aksiden, 2 tylli ki ar shaka kila ïa tyngkhuh mar khmat haka janmiet jong ka 15 tarik Nailar kaba dei ka sngi laitluid ka ri India ha Khapmara Bhoirymbong, haduh ba 2 ngut ki samla kiba ñiah ïa kitei ki ar shaka kila khlad hashen.
Katkum ka jingtip bala ioh lum la ong ba kane ka jingjia kala jia haka por kumba 8:50 eiei janmiet ha kaba kawei ka Scooty bym pat don number bala ñiah da u samla Martyngshaiñ Myrthong 20 snem ka rta, ryngkat 2 ngut ki samla kynthei bala tip kyrteng kum ka samla Ibaphylla Matlang 19 snem bad ka samla Pdianghun Pathaw 19 snem naka shnong Nongladaw ki dang mih naka shnong Umroi Nongrah, hynrei mar ïa poi ha Khapmara Bhoirymbong kila ïatyngkhuh bad kawei pat ka thuk thuk kaba don ïa u number ML 05 M 3295 kaba la ñiah da u samla Nangskhem Lyngdoh 18 snem ka rta.
Ha katei ka jingjia baroh 2 ngut ki nongñiah jong ka Scooty bad kumjuh ruh katei ka thuk thuk kila khlad noh hashen, katba kitei ki 2 ngut ki samla kynthei ba shonglang ha katei ka scooty kila mynsaw jur bad la pynkit noh mar mar sha Bhoirymbong CHC naka bynta ban ioh ïaka jingsumar kaba kyrkieh hynrei namar ka jingmynsaw jur la pynkit noh ïaki sha Shillong Civil Hospital naka bynta ban ioh ka jingsumar ba kham paka.
Naka liang ki pulit ka Khapmara PIC kila poi mar mar sha katei ka jaka ban tan noh ïa kitei ki 2 shaka bad ka jingtohkit halor katei ka jingjia ka dang ïaid shakhmat.
