Jowai, Jylliew 29: Ka jingïalehkai phutbol jong ka ‘5th Debo Shullai Memorial Trophy’ 2nd Division Football Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi 29 tarik ha madan Kiang Nangbah Stadium Jowai.
Haba phai sha ka jingïakhun mynta ka sngi hapdeng ka Mynsngad pyrshah ïa ka Khliehmynkrem na ka liang ka kynhun ïalehkai jong ka Mynsngad ka la ïoh ban thep kol haduh 3 kol bad ïa kitei ki kol la theh da u Army Talang haka minit ba 17, u Banker Muksor ha ka minit ba 21 bad u Shanbor Satein ha ka minit ba 51.
Katba na ka liang Khliehmynkrem la thep ïa kitei ki 3 kol da u Eurester Mynthlu ha ka minit ba 34 , 59 bad u Tremiki Jyrwa ula theh ïa ka kol ba khadduh ha ka minit ba 79. Haduh ba kut jong ka jingïakhun kitei ki ar kynhun kila ïakhait da mar 3-3 kol
Lashai ka sngi 30 tarik ka jingïakhun kan long hapdeng ka Mooknor Thadmuthlong pyrshah ïa ka Panaliar ha ka por 3 baje nongphai sngi.
