Nongpoh, Nohprah 06: U Bah Eldie Newton Lyngdoh General Secretary ka seng FKJGP, North Khasi Hills District u la ong ba kum ka seng ka dap da ka jingsngewkhia halor ka jingjyllei ki nongkhaii bad ki nongdih drok bad shi pateng ki khun samla ki la ngop ha u drok kumba la ioh lum jingkheiñ namar palat 3 lakh ngut ki khun samla ki la ngop ha utei u jingdih buaid, haba kren haka jingpynskhem ïa ki nongïalam ba thymmai ka FKJGP Sohkhwai-Umdu Unit.
“Ngam ngeit ba u drok un shu rung kumto sha ka jylla, haba la lap ïa ki nongdih, ki nongkhaii ruh dei ban lap, hynrei ngim tip mano ba iohnong na une u jait jingdih, ka FKJGP haka jingïaid lynti mynta kan sa sei madan ïa kine, namar ka don ka jingïadei kaba rieh bad ba heh haka jylla ban pynjot ïa ki khun samla kiba dang khie dang san kiba dang dei ka por ban minot thop haki jingpule.
