Nongpoh, Rymphang 16: Watla ki pulit ka Ri-Bhoi man ka sngi u Blei ki pynlong ka jingtalasi khamtam ki ar shaka kiba ju pynlong kum ka jaka lehkai bad jaka ïakop ñiah thuk thuk haka sngi u Blei, dang bun ki paidbah ki bym pat sngewthuh bad kiba ju pynkheiñ aiñ khamtam ki ar shaka.
Naka liang ki pulit ka Ri-Bhoi hynnin ka sngi u Blei kila hiar biang sha surok ban pynlong ka jingtalasi naphang ïaki kali kiba pynkheiñ aiñ khamtam ki ar shaka ki bym ju phong helmet bad buh ïalade hapdeng ka jingma bad ïa kiwei de kumjuh.
Ha kane ka jingtalasi naka liang ki pulit kila lap ïa shibun ki paidbah kiba pynkheiñ aiñ khamtam ki ar shaka ki bym ju deng helmet haba ñiah ïaki thuk thuk bad kane ka buh ïaka jingma kaba khraw lada jia kano kano ka jingtynkhuh ne aksiden.
Kum ka jingpynsngewthuh sha ki paidbah naka liang ki pulit kila daiñ kuna naphang ïa kitei kiba pynkheiñ aiñ ryngkat ka jingkyrpad sha baroh kiba ïaid ba ieng ha surok ban deng ïaki helmet kaba ñiah ïaki ar shaka, ban kiar naka jingdih buaid ban deng seat belt bad kumta ter ter bad ban ñiah haka lynti kaba dei khnang ban lait naki jingjia aksiden bad ki jingjia ba sngewsih.
