Jowai, Nohprah 11: Ka ophis jong u Sub-Divisional Public Relations Officer, Amlarem Sub-Division, kala pyntip bala khang pyrshah ïa ki kali heh ban ïaid ha u surok Amlarem–Dawki kata haka 12 bad 13 tarik u Nohprah, 2025 kaba dei ka sngi pynlong Tri-Hills Festival-2025 ha Darang.
La pynmih ïa kane ka hukum katkum ka jingpynbna jong u Deputy Commissioner, West Jaiñtia Hills District, lyngba ka Order No. GEN/Transport.68/Pt-VI/2024/486 dated 11th December 2025, khnang ban pynsuk ïaka jingwan jong ki paidbah ha katei ka Tri-Hills Festival-2025 ha shnong Darang West Jaiñtia Hills District.
Kumta la kyntu ïa ki paidbah, ki nongñiah kari kamai, ki kali shimet bad baroh kiba don bynta, ba kin ïatreilang bad bud ryntih ïa kane ka jingpynbeit kaba la kyrpad lang da ka tnad Arts & Culture, ka sorkar, ki nongpynïaid Tamasa.
