Shillong, Nohprah 08 : Ka Elaka Mawmluh, Mawmluh Sirdarship, East Khasi Hills District, ka maham pyrshah ïa kino kino ki riewshimet ne ki seng, ki kynhun ban dawa pisa na ki kali kit jingkit kiba ïaid lyngba ka Elaka Mawmluh.
Katkum ka kyrwoh ba la phah da u Secretary ka Mawmluh Sirdarship, Bah Banlam K Lyngdoh la ong ba kane ka jingmaham kadei hadien ba la shem ba ki ju don ki riewshimet ne ki seng kiba dawa pisa na ki kali kit jingkit ha ka kyrteng jong ka Shnong Mawmluh.
“Kumta ka bor Elaka ka khang pyrshah ïa kane – Lada lap ïa kino kino la ki nongshongshnong ne kiba nabar shnong kiba pynïeng bad dawa pisa na ki kali kit jingkit hapoh u pud u sam jong ka Elaka Mawmluh, ka Bor Elaka kan pynshitom da kaba tyngeh. Lada lap ïa kino kino ki riewshimet ne ki seng ne kynhun kiba dawa pisa na ki kali kit jingkit da kaba kam ba ki dei ki nong Mawmluh, ka Bor Elaka kan pynshitom da kaba tyngeh,” ong ka kyrwoh na ka Elaka.
Ha kajuh ka por ka Bor Elaka Mawmluh ka la ong ruh ba namar ka jingthut eh ha ka thiah ka dem ha ka por mynmiet, kam lah shah shuh ïa ka jingïaid khlem por khlem samoi jong ki kali kit jingkit lyngba u pud u sam jong ka
Kumta, halor kane, ka la pyntip ba la khang ïa ki kali kit mar ne ki kali thylli ba hiar ne ba kiew kiba ïaid lyngba ka Elaka Mawmluh hadien ka por 11baje janmiet.
