Shillong, Jymmang, 06: Ka Ophis jong u Superintendent of Police ka East Khasi Hills District ka la maham ïa ki paidbah ba kim dei satia ban shah pynngop ha ki briew kiba riam dur bula ha ka rynsan jong ka Social Media da kaba leh mynleh kum ki Head jong ki Department ne ki nongtrei jong ki tnat treikam bapher bapher ban pynbiej ïa ki paidbah ban ai jingtip bakongsan.
“Khnang ban ïoh ka jingshahniah na ki lanot, ki runar kin buh ïa ki dur jong u nongtrei lane jong u Heh Ophisar kano kano ka tnat treikam. Hynrei kane ka jingthmu jong ki runar ka long da kawei pat ka kam bymman.
U Superintendent of Police u Bah S. Nongtnger u la ong, kine ki runar kin phah ïa ki kyrwoh ne kin telelphone ban pyntip halor ka KYC bad don ki khep ba kin leh mynleh kum ki Customer Care/Nongmihkhmat bad kin phah thep ïa ki Apps kum ka Team Viewer, Quick Support, Any Desk bad kiwei kiwei.
“Namarkata, la bthah ïa ki paidbah ba kim dei ban shah pyngngop lane ban shah pynbiej ha kino kino ki kyrwoh ne ki jingkren lyngba ka mobile phone bad ban thep ïa ki App ba la phah da kine ki runar, ki Customer Care, Help Desk.
“Ki Bank/E-Commerce bad kiwei kiwei kim ju phah thep satia ïa ki App ïa ki paidbah,” ong u kyrwoh na u SP.
