Nongpoh, jylliew 16: Namar ka jingjur slap kaba la neh kumba katto katne sngi haka district bad ka jylla baroh kawei kaba la wanrah ruh shibun ki jingjulor jong ki lynti syngkien, ki jingtwa khyndew bad kiwei kiwei ki jingpynjulor mariang, ki bor district jong ka Ri-bhoi mynta ka sngi kila maham sha ki paidbah ba kidei ban long husiar haka leit ka wan bad ban phikir haki iing ki sem.
Naka liang u Deputy Commissioner bad Chairman ka DDMA Ri-Bhoi District u la pynmih ruh ki jingphikir ba ki paidbah ki dei ban shim ha kum kane ka por, ban rieh ïalade haka por ba jur u slap, ba don pyrthat bad hap phria, ban pyntip ruh sha ki bor district lada don ki dieng kiba la jan khyllem bad buh jingma ïaki paidbah, ban peit bha ïaki tiar ki tar, ki nar bad ki tin sop iing kiba la sdang ban kylluid haka por ba don eriong bad ban pynjngai ïalade naki jaka ba don iit, baan switch off ïaki tiar ba pyndonkam bording haka por ba don pyrthat, ki paidbah kim dei ban ïaid lyngba ki wah haka por ba jur slap, ban long husiar haba leit ba wan naka jingtwa khyndew, khamtam kim dei ban ailad ïaki khynnah ban mih shabar.
Naka bynta ki jingtip ba kham bñiah bad ba don kino kino ki jingjia ki paidbah ki lah ruh ban pyntip sha District Operation Center (DEOC) Nongpoh da kaba phone ha u number 6009906348 lane sha ka ophis u Incident Commander/ BDO/ Block Control Rooms Umsning 7085288659, Umling-9362548336, Jirang-9362548336, Bhoirymbong- 9362548978.
