Shillong, Jymmang, 29 Ka District Child Protection Unit ka la maham tyngeh ïa ki briew kiba donkti ban pynsaphriang ïa ka video jong ki arngut ki heprit kiba la shah bat ha ki trai dukan ha kaba la kynnoh ba ki la prong hapoh ka dukan ban tuh ïa ki jingbam.
Ar tylli ki Video kiba la ringdur da ki trai dukan ki la saphriang stet haduh katta katta ha ka Social Media.
Ha kaba ïadei bad kane, ka State Commission for Protection of Child Rights (SCPCR) ka Kong Ïamon Syiem ka la pyntip ba ha ka sngi Thohdieng jong ka taiew baladep ka Child Protection Unit ryngkat bad ki Puit ki la ïakynduh ïa kine ki arngut ki heprit bad ïa ki briew kiba la pynsaphriang ïa ka video.
“Ka jingpynsaphriang ïa kum kine ki Video ka long kum ka jingpynkheiñ ïa ki kyndon aiñ kiba ïada ïa ki khynnah rit bad kiba donkti kin shah pynngat hapoh ki kyndon jong ka aiñ,” la maham ka Chairperson jong ka SCPCR.
