Nongstoiñ, Risaw 27: KSU Maweit Area unit ha ryngkat ka KSU Nongtraw unit bad ka KSU Porkhadoh area unit, ki la leit ban ïakynduh ïa u Doctor Incharge ka Maweit PHC Dr. M.A Mazumdar, halor ki jingud jingnam jong ki paidbah, ki nongtrei bad ki nongpang ba u leh heh kren heh, kren tohmet ïa ki nongpang kumjuh ruh ïa ki nongtrei ba trei ha kane ka PHC.
Na ka liang ka seng ka la maham ïa une u Doctor ba u dei ban burom bad kren bha bad ban trei bha khlem kano kano ka jingibeiñ ne kren tohmet ïa ki Nongpang ne ki nongtrei hapoh ka PHC.
Lada dang lap ïa ka jingleh heh leh donbor bad jingleh khlem akor u khlem kheiñ kor shuh ïa u duk u suk ka dong ka thaiñ, na ka liang ka seng kan sa shim pat da kawei ka sien jam.
