Mawkyrwat, Jylliew, 12: Ka Deputy Commissioner jong ka South West Khasi Hills District ka la ai ïa kine ki ki jingtip kiba ju jia ha ka por ba jur slap kum ka jingkahdum bad ka jingbymshai ha ka por ba jur bha u slap, ka jingthut ha ka leit ka wan na ka daw ka jingbym ïaid beit ïaid ryntih ki kali na ka daw ka jingdap um ha surok/ka jingkhyllem jong ki dieng bad ki tnat dieng kaba lah ban wanrah ïa ka jingdheng ki kali.
La ong ruh ba ka jingjur jong u slap ka lah ban ktah ruh ïa ki jingthung jingtep kiba dang dei ban heh ban san kum ki jhur ki jhep, ki soh ki pai bad kiwei kiwei bad ka lah ban wanrah ïa ka jinglang ne shlei um ha ki jaka ba long madan, ka jingtwa khyndew bad ka jingkhyllem jong ki dieng ki siej bad ban pynsniew ïa ki surok khyndew.
Shuh shuh ka jingjur jong u slap bad ka jingjur jong ka lyer ka lah ruh ban pyntwa ne rah ïa ki jingshna kiba la tlot bad synjor bad ka jingdon jong ka lei lieh bad u pyrthat ka lah ban pynmynsaw ïa ki briew bad ki mrad kiba don shabar khlem jingda ne jingker.
