Nongpoh, Jylliew 08: Na ka daw ka jingmad ïa ka jingkyrduh um hapoh ka shnong Nongpoh, kiba bun ki padbah ki la pynpaw ka jingsngewkhia ba ka umbam ka umdih kam poi thikna sha ki kor um ba kane ka la pynlong ïa ki paidbah ba ki hap ban mad ïa ka jingkyrduh ïa ka umbam ka umdih hapoh kane ka shnong Nongpoh, kaba dei ka head quarter jong ka Ri Bhoi District.
Kine ki paidbah nongshong shnong ka Nongpoh ki la pynpaw ïa ka jingkyrduh um bam umdih, ka dei hadien ba ka umbam ka umdih kam poi sha ki kor bad kane ka la wan rah ka jingsngewkhia ba ki hap ban mad ïa ka jingkyrduh um wat ha kum kane ka por kaba la long lyiur bad slap bad phewseh kum ki paidbah ki hap ban mad ïa ka jingtyrkhong umbam umdih hapoh kane ka shnong.
Haba la ioh ban ïa kren bad ki katto katne ki paidbah nongshong shnong kiba ym kwah ban pynpaw kyrteng, ki la pynpaw ba kum ki paidbah nongshong shnong ki dap da ka jingsngewkhia halor kane ka jingkyrduh umbam umdih wat ha kane ka por ba la slap bad lyiur bad kim lah ban tip kaei ka daw ba ka um kam poi sha ki kor um ha kaba ki la hap ban mad ïa ka jingtyrkhong umbam umdih.
Kum ki nongshong shnong halor kane ka jingkyrduh um, ki la buh ka jingkyrpad naduh u Rangbah shnong ka Nongpoh bad kynthp ki bor ba dei peit ka tnad PHE ba kin shim khia halor kane ka jingkyrduh um bad kim lah ban tip kaei ka daw kaba ka um kam poi sha ki shnong ba la suba ka dei ka jingset ki paidbah na ka daw ka jingslap bad ka jingtwa khyndew ba ka um kam poi sha ka snong nongpoh, ki la bynrap.
