Shillong, Rymphang 26: Na ka daw jong ka jingdon ka jingtei ha ka Khyndailad kiba bun na ki paidbah ki hap ban mad ïa ki jingeh na ka daw jong ka jingbym lah ban ïaid hok ha ka lynti ïaid kjat ba la buh da ka sorkar.
ïa kane la lap da u nongthoh khubor ha kane ka sngi palei ha kaba la ïohi ba bun na ki paidbah ki hap ban ïaid na surok tang na ka daw ba shna ïa kawei ka jingtei ha Khyndailad.
Kan long ka jingeh shisha ïa ki paidbah watla don ki lynti ïaid kjat, hynrei kin don ki jingeh kiba ki hap ban mad na ka daw jong ka jingshah tam pud jong ki jingtei kiba don ha Nongbah Shillong. Ha kaba ïadei bad kane na ka liang jong u nongthoh khubor haba ïoh ban jurip ïa kawei na ki lynti ïaid kjat kaba don ha ka thaiñ Khyndailad Shillong la ïohi ba ki don ki jingtei kiba la ktah shisha ïa ka lynti ïaid kjat jong ki paidbah.
Halor kane la ïohi ruh ba ki paidbah kin hap ban ïaid na ka surok kali, ha ka jaka ba kin ïaid na ka lynti ïaid kjat ba la dep pynkhreh.
Halor kane lah donkam ïa ki bor ba dei peit ban shim khia halor kane ka bynta ban pynbeit ia kane ka jingeh khnang ba kan wanrah ka jingeh ïa ki paidbah kiba ïaid ba ïeng manla ka sngi.
