Lyngba ki kam jngohkai, buh thong ka sorkar ban pynïohkam palat lak ngut haduh u 2028

Shillong, K’ Lyngkot 18: Ha ka sngi kaba ar jong ka 3rd Cabinet Retreat kaba la long ha Orchid Hoitel ha Mawkasiang la ïakren kumno ban kyntiew ïa ki kam jngohkai ha kane ka jylla bad ba kan long kawei na ki lad ki lynti ban ïoh kam ïoh jam ha ka jylla. Tang na ka CM Meghalaya Homestay Mission 2025 la buh ïa thong ban ïoh ban shna ïa 3000 tylli ki ïing basa shuwa u snem 2028 bad ka jingïarap pisa na ka sorkar kan long haduh 70% bad ka jingkiew ka jingwan ki nong jngohkai pyrthei kan ïarap ba kin ïoh jaka sah bad kane ka long ka kabu ïa ka jylla.
Tang na ka kam jngohkai pyrthei, ka tnat ka pynneh pynsah ïa ka riti dustur bad la buh ïa ka thong ba kine ki lai tylli ki tnad sorkar kin lah ban ai kam haduh 1.25 lak ngut kat haduh ban da haduh u snem 2028.
Ha kaba ïadei bad kane u Myntri Rangbah ka jylla u Conrad Sangma u la ban jur ba kam don jingmut ban shu don ïa ka thong bad ïa ka jingïohi jngai hynrei kaba kongsah eh ban poi sha ka thong ka long ban ïatreilang ha baroh ki bynta kan kynjoh sha ka thong kaba la buh na ka por sha ka por.