Lyngba ka ‘SymphoNE’ ïathir u Myntri ka DoNER ban kyntiew ïa ka Tourism ha North East

Shillong, Nailur, 24: Ka SymphoNE ka dei ka jingsdang ïa ki jingïathir ïatai ha ka North Eastern Region’s Development Conference ha kaba la ïashim bynta da kito kiba saiñdur ïa ki polisi kiba ïadon byntaha kane ka kam bad kito kiba lah ban pynkylla ïa ka jingmut jingpyrkhat jong ki briew da kathong ban kyntiew ïa ki kam jngoh kai ha ka thaiñ Shatei Lammihngi.Ka thaiñ Shatei Lammihngi ka don ïa ka bam kaba bang, ka deiriti, ki jaka kiba itynnad, kadustur bad ki jingshna kiba itynnad bad ka long kawei na ki jaka kiba itynnad duh ha kapyrthei. Kumta, ki don shibun ki lad ban kyntiew ïa ki kam jngoh kai ha ka thain.
Da kane ka jingmut, u Myntri Sorkar Pdeng ba dei khmih ïa ka tnat DoNER, Tourism &Culture, G. Kishan Reddy u la plie ïa ka virtual conference ‘SymphoNE’ kaba ar sngi myntaka sngi ha ka jingïadon lang u Secretary, MDoNER, u Lok Ranjan, NEC, u Lok Ranjan kiophisar jong ka tnat bad 8 tylli ki jylla, ki ophisar na ki Tourism Board, kito kiba ïadon byntaha kane ka kam, kito kiba trei ha ki kam jngoh kai bad kito kiba lah ban ktik ïa ki jingmut jingpyrkhat jong ki briew lyngba ka social media. Kane ka Virtual Conference ‘SymphoNE’ kan long ha ka 24 & 27 tarik u Nailur 2022 bad lapynlong ïa ka da ka tnat Development of North Eastern Region ha ka sngi ba rakhe ïa kaWorld Tourism Day. Kane ka jingïalang kaba ar sngi ka thmu ban saiñdur ïa ki rukom treikam ban pyni ïa ka jingitynnad jong ka thaiñ Shatei Lammihngi bad ban kyntiew ïa ki kamjngoh kai ha ka thain. Kane kan saiñdur ïa ki rukom treikam, ïakren bad shim ïa ki jingai jingmut da ki riewshemphang, kito kiba saindur ïa ki polisi, kito kiba lah ban ktik ïa ki jingmut jingpyrkhat jong ki briew lyngba ka social media, kito kiba ïalam ïa ki briew sha ki jakajngoh kai bad ruh ki ophisar ka tnat DoNER bad ki tnat jong ki Sorkar Jylla.
U Reddy u la ong ba ka thain ka dei ‘Ka bneng ba ki nongjngoh kai kim pat shem’ da kababynrap, “Ka thaiñ Shatei Lammihngi ka don ïa ka jingitynnad ka jaka, ki deiriti kiba kyrpang bad ki bun ruh ki jingaiei ka mariang bad ka Sorkar India, hapoh ka jingïalam jong u Myntr iRangbahduh, Narendra Modi ka iengskhem na ka bynta ka roi ka par kaba stet jong ka thaiñ shatei lammihngi. U ong ba u ngeit ba ka SymphoNE kan long ka rynsan ban ïakren bad ïatrei lang ban plie ïa ki lad ba don ha ki kam jngohkai ha ka thaiñ Shatei Lammihngi.U Secretary, MDoNER, u Lok Ranjan ha ka jingkren jong u, u la ong ba kane ka jingïalang kan wanrah ïa ki jingmut jingpyrkhat bad ki lad ban plie ïa ki kam jngoh kai ha ka thain Shatei Lammihngi. U la ong ba ka ‘SymphoNE’ ka dei ka jingsdang kaba khraw bad u la kular ïa baroh kiba don ha kane ka kam ba ka tnat kan pdiang ïa ki jingmut jingpyrkhat jong baroh kiba ïadon bynta ha kine ki kam khnang ban pynurlong ïa ki jingthmu.
U Secretary jong ka North Eastern Council (NEC) u K. Moses Chalai, u la ong ba ka Sorkar India ka dang trei ban pynstet ïa ka jingroi ki kam jngoh kai ha ka thaiñ Shatei Lammihngi. Ki kam jngoh kai ki la ïar ha kine ki snem ba la dep bad lyngba ka teknoloji bad ki lad digital, kine ki kam kin kiew kham stetshuh shuh.U Brig. R.K Singh (Retd.) MD, NEHHDC u la ong ba da kaba shim ïa ki jingangnud jongbaroh kiba ïadon bynta ha kine ki kam, ka Sorkar India ka dang trei ban don ka jinglong jingman kaba ïarap ïa ki kam jngoh kai ha ka thain. Yn shim ïa ki sienjam ban kyntiew ïa ki tourism expo ba kyrpang kiba pyni ïa ka jingitynnad ki mar shna kti na ka thain bad kinongsaindur, ki nongshna tiar kiba tbit jong ka thain.
U CMD ka NEDFi u PVSLN Murthy, u la ong ba ki Startup kiba ïadei bad ki kam jngoh kai kila pynkylla ïa ki kam jngohkai ha ka thaiñ Shatei Lammihngi.Ha kane ka bynta jong ka ‘SymphoNE’ mynta ka sngi la ïadon lang ka kynhun tem ka’Summersault’ na Shillong.
U dkhot jong kane ka kynhun, u Bah Kit Shangpliang u la ong ba ka put ka tem ka don bynta ha ka jingïaineh ki kam jngoh kai ha ka thain.
Ka kynhun ki nongniah thuk thuk Wanderers ki la ïakren shaphang ki jingshem jong ki haba ki ïaid sha kylleng ka thain.
Uwei na kine, u Pawan u la ai ïa ki jingmut jong u. Kane ka bynta jong ka ‘SymphoNE’ mynta ka sngi la ïashim bynta kito kiba saindur ïa ki polisi, kiba ïadon bynta ha kane ka kam bad kito kiba lah ban pynkylla ïa ka jingmut jingpyrkhat jong ki briew da ka thong ban kyntiew ia ki kam jngoh kai ha ka thain shateilammihngi.
Ka SymphoNE ka thmu ban wanrah kawei ka jingpynbeit ban weng ïa baroh ki jingeh ba kinongjngohkai bad kito kiba trei ha ki kam jngoh kai ki ïakynduh bad ruh ban pynbeit ïa ki jingeh ha ki kam logistic bad ki jingdon jingem, ka jing duna jingtip ki nongjngohkai shaphang ki jaka bad ban pynsaphriang jingtip sha ki briew bad ruh ka jingpynïaid iew bad kajingkyntiew ïa ki kam.Ïa ka bynta pynkut jong ka ‘SymphoNE’ yn pynlong ha ka 27 tarik u Nailur 2022 ha kaba ynai jingkren da u Myntri Khynnah ka tnat DoNER, u B.L. Verma.