Lyngba ka CSR shna ka Dalmia da ka shlem ai jinghikai DEO ha Lumshnong

Khliehriat, Jylliew, 28: Ka Company dewbilat jong ka Dalmia Bharat Foundation lyngba ka tnat Corporate Social Responsibility (CSR), ka la thaw ki lad ki lynti ban tehlakam ïa ka jingkyrduh kam ha ka thaiñ ha kaba ka la thaw ïa kawei ka shlem ai jinghikai kaba thymmai, ka Data Entry Operator kaba dei ka Common Service Lab (CSL) ha Lumshnong, East Jaiñtia Hills District, kane kan ïarap ruh ban kyntiew ïa ki kam jong ki riew don sap bad ki samla kiba ha ki jaka ba kyndong jong ka East Jaiñtia Hills District.
Ha katei ka shlem ai jinghikai la pynrung ruh ïa ka jingpule DBF (DBF course) ha kaba kane kan iarap ïa ki samla kiba na ki nongkyndong ban seng ïa ki kam, ha kane ka shelm kiba pule ki kynthup 28 ngut ki samla ha kaba 75% ki dei ki kynthei ki ban pyndep ïa ka jingshah hikai kaba paka lane ka high-quality training kaba ym donkam ban siew pisa, ki jinghikai kiban ioh na kane ka shlem ki dei kita ki jingpynmih kiba donkam bad kiba lah ban pyniaid ïew ki ban kyntiew ïa ka khaïi ka pateng.
Ïa kane ka sngi la tip ruh kum kata ka 12th batch of the Digital Literacy course, ha kaba la ai ruh da ki syrnot sha ki 20 ngut ki samla bad ha kane ka sngi la don lang u Head, HR, DCBL, Meghalaya, u Vinay Kumar Mishra bad u Jitumoni Kalita uba dei u heh jong ka Dalmia Bharat Foundation.
La ong ruh ba u Raju Ranjan Prasad, Unit Head – Meghalaya, DCBL, u la ong ba ka Dalmia Bharat kan shim khia ban kyntiew ïa ki kam jong ki riew don sap ba kin dup lah ban ieng hala ki jong ki kjat ha ki jaka nongkyndong bad ha ka jylla Meghalaya bad ha ki jaka khappud jong ka thaiñ shtei lam mihngi bad ruh ban kyntiew ïa ka khaïi ka pateng “ Ngi tip ïa ki kam ne ki skill bad ka jingthmu jong kane ka prokram ka long ban pynkup bor ïa ki khun samla khamtam ki kynthei da kaba ai ïa ki jinghikai ba donkam ba kin ioh kamai ban kyntiew ruh ïa ka ïew ka hat ha ka thaiñ ban iarap ïa ka jingeh ki briew ha ka iohkam iohjam, ngi sngew skhem ba kane ka prokram kam plie ki lad ki lynti bad kan wanrah ruh ïa ka jingjop”
Ka Common Service Lab (CSL), ka dei kawei pat ka bynta jong ka DBF bad kane kan iarap ha kaba iadei bad ka Digital Literacy, ïa kane yn pynkupbor ha ki khynnah pule ban kyntiew ïa ka jingstad jong ka juk mynta ban kamai pisa kaba ju tip ruh kum ka Digital and Financial Skills.
Ïa ka shlem ai jinghikai la buh ha Lumshnong, ka CSL ka la shim ïa ka bynta kaba donkam bad ka pynshlur ruh ïa ki khynnah ban shim ïa kane ka jingai jinghikai Digital and Financial Literacy courses ha kaba kane kan iarap ban kyntiew ïa ka jingtip ïa ki digital kiba ha ka juk mynta bad halor kane ki la don haduh 200 ngut ki samla kiba la ioh jinghikai na kane ka prokram.