Shillong, Naitung 07: Ka khubor ba la ïoh na ki pulit la ïathuh ba u Guddu Prasad ka Rilbong, Shillong u la phah ka jingujor ba ha ka 2 tarik mynta u bnai ha ka por kumba 5.40 baje janmied, arngut kiba ñiah scooter bym lah ban ithuh durkhmat bad kiba la teh da ka mask ki la khang lynti ïa u bad ki la lute ka pisa kaba ym lah shuh ban ai jingkheiñ bad ar synduk u cigarette.
Ha kawei pat ka jingjia ki pulit ki la ïathuh ba u Ashis Lamare u la phah ka jingujor ba ha ka 29 tarik u bnai Jylliew, 2024, ki runar bym lah ban ithuh ki la tuh ïa kawei ka tiar ba remdor bad ka ksiar jong u.
Shuh shuh ki pulit ki la ïathuh ba u BDO, C&RD, Songsak (EGH) u la phah ka jingujor ba ha ka 1 tarik mynta u bnai, ki runar bym lah ban ithuh ki la tuh kawei ka laptop, kawei u USB Hub, kawei ka scanner bad kawei ka camera, nalor kiwei pat ki tiar.
