New Delhi, Naiwieng 13: La pynlong ïa ka jingialang peit bniah na ka bynta ka Swachh Bharat Mission-Grameen (SBM-G) ha ka thaiñ shatei lam mihngi mynta ka sngi ha nongbah Guwahati, Assam ba la pynïaid da u Myntri ka Tnad Jal Shakti u C.R Patil.
Ha kane ka jingïalang la pyni ïa ki sienjam ba la shim da ki jylla ka thaiñ shatei lammihngi, ha kaba 51% ki shnong ki la kot sha ka kyrdan ODF Plus Model. Ka Sikkim ka la long kaba pyntreikam bha ha kaba la pyndep 100%, bud sa ka Mizoram (86%), Tripura (80%), bad Assam (74%).
U C.R Patil u la ïaroh ïa kine ki jingjop, da kaba ong, “Ka thaiñ shatei lammihngi, hapdeng ki jingeh jong ka, ka long ka nuksa jong ka jingtrei shitom bad ka jingsaiñdur thymmai ha ka jingkhuid jingsuba. Lyngba ka jingïatreilang, ngi lah ban kot sha ka Sampoorna Swachhata shuwa u Lber 2025”.
Ki Mat ba kongsan bala ïa kren ha kane ka jingïalang ki long, 51% ki shnong ha ka thaiñ shatei lammihngi la pynbna ODF Plus Model, ha kaba ka Sikkim ka la lah ban pyndep 100%.
U Myntri Jal Shakti u la ban jur ban kot sha ka Sampoorna Swachhata shuwa u Lber 2025.Ka jingphai khmat ha ka jingpeit ïa ka jingneh jong jingdon jingem WASH, ka jingpyndonkam ïa ka fund, bad ki jingsaiñdur SLWM. La kyntu ïa ki Jylla ban pynsted ïa ka jingpeit ïa ki application Individual House Hold Toilet (IHHL) hapoh 30 sngi.
La sdang ïa ka jingïalang da ka jingkren pdiang sngewbha na u Special Chief secretary Assam u Syedain Abbasi kaba la bud pat da ki jingkren jong u Myntri PHED jong ka jylla Assam, Jayanta Mallabaruah. Ki Myntri ba dei khmih ïa ka Rural Sanitation jong baroh ki jylla ka thaiñ shatei lam mihngi.
U Secretary, ka Tnad Drinking Water and Sanitation (DDWS), Ashok Meena, ryngkat bad ka JS&MD SBM-G, ki Secretary bad Mission Director na ki Jylla ki la ïashim bynta ha ka jingïalang peit bniah na ka bynta ka SBM-G ba la pynlong kyrpang na ka bynta ki Jylla ka thaiñ shatei lam mihngi ha nongbah Guwahati.
Ha kane ka jingïalang la kren shaphang ka jingïaid shaphrang ka kam ha ka thaiñ shatei lam mihngi ha kaba la weng ïa ki jingeh ban pynneh ïa ka jingkhuid jingsuba hapoh ka SBM-G Phase II.
Ki Bynta jingphai khmat bad ki Jingeh ki long: Ha kane ka jingïalang la ithuh ïa ki bynta ba donkam mardor ïa ka jingshimkhia kum ka Sustainable Solid and Liquid Waste Management (SLWM), ka jingtreikam jong ki jingdon jingem WASH kum ki Community Sanitary Complex bad ki jaka pynkhuid ïa ki jaboh plastik, ka jingpyndonkam ïa ka Fund bad ka jingphah ïa ki syrnot jong ka jingpyndonkam ïa ka pisa ban ïoh ïa ki tied grant, ka jingpynbiang ïa ki rukom pynkhuid ïa ki jaboh jabaiñ na ki painkhana kiba ïahap bad ki rukom treikam ha ki jaka sor.
U C.R Patil, u la ban jur ïa ki sienjam ba donkam na ka bynta ki jingeh bapher bapher bad pynbeit ïa ka jingpyndep ïa ki application Individual Hous Hold Toilet (IHHL) kiba dang sah hapoh 15 sngi, ban pynlong ïa ki jingïalang District Water and Sanitation Mission (DWSM) man ka bnai ban pynthikna ka jingpeitngor ïa ka jingïaid shaphrang ka kam, ka jingwanrah ïa ka jingïatreilang ka imlang sahlang lyngba ki self-help group.
Ki samla bad ki kynhun ha ka thaiñ na ka bynta ka jingïoh jinghikai bad ka jingkylla ha ka rukom im, bad pynkhreh na ka bynta ka World Toilet Day 2024 hapoh ka campaign Hamara Shauchalay: Hamara Samman.
U Secretary, DDWS u la kren shaphang, “ka jingïasohlang ki jingdon jingem bad ka jingïatreilang hapdeng ki jylla bad ki kynhun ha ka thaiñ kalong kaba donkam ban pynneh ïaka jingktah jong ka SBM-G. Ki Jylla ka thaiñ shatei lam mihngi ki long ka nuksa ïa ka ri baroh kawei ha ka rukom treikam ka imlang sahlang na ka bynta jingkhuid jingsuba.
La pynshlur ïa ki nongïashim bynta ban pdiang ïa ki jingsaiñdur thymmai ha ki kam pynkhuid ïa ki jaboh da kaba pynïasoh lang ruh ïa ki rukom treikam tynrai. La kyntu ïa ki jylla ban pynkhlaiñ ïa ka jingai jinghikai na ka bynta ka jingpynkhlaiñ bad ka rukom pyndonkam ïa ki jingdon jingem ha ka rukom kaba ïaineh, ha kaba la pynthikna ba baroh ki jingdon jingem ba la pynbiang ki long kiba seisoh.
Lyngba ka thong ban kot sha ka kyrdan ODF Plus Model na ka bynta baroh ki shnong shuwa u Lber 2025, la ban biang ïa ka jingdonkam ka sienjam kaba ha ka por bad ki rukom treikam. U Myntri u la pynkut da kaba ong, “To ngin pynthikna ba ka jingïaid shaphrang ha kine ki shiphew snem ym tangba kan long kaba ïaineh hynrei kan nang kiew, pynlong ïa ka thaiñ shatei lam mihngi ka nuksa kaba bha na ka bynta ka jingkhuid jingsuba ha ki jaka nongkyndong jong ka ri.”
