Khliehriat Jylliew 11: Ki dkhot jong ka Khasi Students Union East Jaiñtia Hills District Unit myn ha ka 10tarik Jylliew 2022 kala leit ban sngewlem ïa kawei ka longïing kaba don ha ka shnong Jalyiah kaba don hapdeng ka jingduk jing kyrduh haba kaba ha kane ka longing ki la don ruh ki heprit kiba shem jynjar bad kynduh jingeh naduh ba ym don shuh ka kmie bad la peit ïaki pat da ki bahaïing ha sem.
Ia kane ka jingleit jurip ka seng la ïalam ïaka kynhun da u Samla Rangbah Satly Ryngkhlem, uba dei u Vice – President KSU East Jaintia Hills District ha ka jing iadon ryngkat u Assistant General Secretary, u Samla Pynshai Kupar Dkhar bad u Finance Secretary KSU-EJHU, u samla Shaniahskhem Dkhar, u Assistant Finance Secretary KSU EJHDU, u Cherity Suja bad Samla Hamewanpynhun Ryngkhlem Publicity Secretary ka KSU East Jaiñtia Hills District Unit.
“Na ka liang jong ka Seng ka bym juh ieh thylli ïaki paradoh parasnam kiba don ha ki jingeh jing shitom ka la ïarap ha la ibor barit kum ka dak ka jing sngewlem ïa kane ka longïing ha kaba ka kmie kala khlad noh bad ieh noh ïa saw ngut ki khun bad u kpa ruh u dei u bym da don ka kamai ka kajih ba biang ban ri ban sumar bad ban bsa ban pjiah ïa baroh saw ngut ki khun”
La ong ba na ka liang u rangbah shnong jong ka shnong Jalyiah watla um lah ban ïa don ryngkat lang bad ki dkhot ka seng hynrei u la phah ka khubor sngewnguh bad ai khublei ïa ka seng halor ka jinglong la kloi ban wan peit bad jngoh ïa katei ka long iïng, u la pynpaw ka jing sngewnguh shi katdei eh ïaka seng bad u la kitbok kitrwiang ïaki nongïalam ka seng kiba don ka jing kitkhlieh ïa ka khia ka shon ki paradoh parasnam ba kin nang lah ban shakri ïa ka Ri bad ïa U Paid ka Bri u Hynñiewtrep Hynñiew skum hi baroh kawei.
