Nongstoiñ, K’lyngkot 25 : Ha ka sngi step sngi saitjaiñ katba ki nongshong shnong jong ka Upper New Nongstoiñ ki dang mih na ïing ban leit saitjaiñ ha ka wah Nonbah ki la ïohi ïa kawei ka plastik kaba la song kaba per ha rud jong ka wah bad ki la iphylla kum ta ki la leit peit ha jan bad ki la lap ba i don i khunlung iba la ïap.
Kumta kitei ki nongshong shnong ki la pyntip sha ki rangbah shnong bad na ka liang ka shnong ki la pyntip noh sha ki pulit kiba mardor ki la leit ban shimti noh na ka bynta ban pyndep ïa ki jingdon kam bad ka jingtohkit halor katei ka jingjia ka dang ïaid shakhmat.
