Nongpoh, Jylliew 10: U MLA ka Nongpoh u Bah Mayral Born Syiem haka sngi Balang u la leit ban sam ïaki song jingïarap sha ka shnong Shangbangla kawei naki shnong kaba dang donkam shibun ki jingïarap bad ki kam pynroi.
Naka liang u MLA u la aiti ruh ar tylli ki work order ba kynthup ïaka jingpynbha ïaka iing dorbar bala mang haduh 1 lakh bad ban shna ïaka VIP Gallery bala mang haduh 1.5 lakh nalor ki tiar naduh ki miej, ki shuki bad duli sha ka Village Organization kaba don ha katei ka shnong bala sakhi ruh da ka jingdonlang ki nongïalam shnong, ki longkmie bad ki paidbah jong katei ka shnong.
Na ka liang u Bah Mayral Born Syiem u la ong ruh ba kum u MLA u don shibun ka jingangnud ban dang kyntiew ïaka ioh ka kot bad ka roi ka par haka constituency bad lyngba katei ka jingïarap kan long ruh ka jingkyrkhu ïaka shnong ba kin dang pyntyllun ïaki kam pynroi.
