Jowai, Naiwieng 06 : Ka Jaiñtia National Council (JNC) Western Zone ha kane ka 5 tarik u Naiwieng kala leit ban ïa kynduh ïa u DC ka West Jaintia Hills District hapoh ka jingïalam u ma Hameihi Bamon kum u President ha ryngkat u General Secretary ma Sambor Susngi ban pynkynmaw ïa ki Exam bapher bapher na ka bynta ki post hapoh ka DSC.
Ka seng kala shim khia ïa kane hadien ka jingud bad jingnam jong kiba bun ba lang kham tam naki candidate kiba la shim ïa bynta ha kane ka Exam kaba dang shu dep pynlong daka DSC. Kumta ka seng ka la wan ban pynsngew haki tyndong shkor jong DC ryngkat bad ka jingthoh kat kum ka jingïadei bad kane ka exam kaba la dep haki bnai.
Ka seng kala ong lada kumne kam lah ban pdiang da lei lei ruh ïaka rukom pynleh ïa kane ka exam, katkum ka jinglap ka seng kaba phylla ki candidate ki don ïaka Admit card bad ïaki roll number, tangba ha kata ka sngi thoh Exam la buh klumar ïaki khlem da don ki kyndon haka rukom kaba dei ïaka rukom shong thoh Exam.
La ïoh jingtip da ka seng kawei ka room ka capacity jong ka kan long 50 ngut kawei ka room tangba ïaka rukom shong pat khlem da buh janai, kine ki sanphew ngut ki lah ban shong ha kino kino ki jaka katba ki mon bad sngew bit, khlem da don Roll No lane haka room ba ki don, haka jing shisha ka rukom seating arrangement dei ban long kaba janai tangba ka long tang kum ki briew ba don shaïew ïa kata ka jingpyllong exam haka jingshisha u Roll No-1 um lah ban ïashong thoh exam bad u roll no 50 tangba ki la ïashong kyllum lang.
Halor kane ka seng kam lah ban pdiang da lei lei ruh ïa kum kane ka rukom pynïaid ka DSC bad balei ka DSC kam lah ban pyntrei kam ïa kane ka juh khamtam ha kane ka exam ka long ka exam ban ïaleh na ka bynta ka jingtrei ym dei ka exam kaba kumne kumtai, lada kumne kam don jingmut ba ka DSC ba kan don lada tang ban tah roll number kim lah ban pynbiang long leh noh ei ïaki nong trei tang ban ïoh tulop, lada kumne ka rukom ngi lah ban ong ïoh lehse ka don ei ei sha lyndet.
Ka mat kaba ar ka seng ka pynsngew shuh shuh ha kaba ïadei bad ka rukom checking rukom talasi ïaki nongthoh exam ha shuwa ba kin thoh exam, ïa kane ruh ka seng ka la pynsngew ha u DC ki dei ban leh kat kum kajuk mynta technology ban pyndon kam daki scanner khnang khnang ban lait ka jing jia kano kano ban pynsngewsih ïa kiba la trei shitom ban pule kot lane ban pynkhreh ïaki exam naduh mynsiem, balei ka seng ka ong kumne namar la ïohi hadien ba lah dep check bad talasi ïaki candidate naka liang ki pulit hashwa ban rung shaka entrance room la ïoh sngew ba dang don ki candidate ba ki pyndonkam ïaki mobile phone ka jong ki.
Ka mat kaba 3 ha kaba ïa dei bad ka um dih ban pyndonkam haka por ba thoh exam ka seng ka la lap ba kim shah ban rah um ha kata ka por, ka seng kala ai jingmut ïa u DC ki dei ban ai lad ïaka Committee ban shah ban rah ka um dih ïaki candidate ha u klong um ba long transparent namar ki nong shim bynta kim lah ban leh tuh tang na ka um.
Ka mat kaba 4 ha kaba ïadei ïaka jingtakhuh sngi jong ka exam MPSC bad DSC kum ban pynkynmaw hi kine ki bnai kiba lah dep ka seng ka ïaleh katba lah ban ïakren na ka bynta ban pynïakhlad ïaka tarik thoh exam ka DSC bad MPSC tangba kim lah shuh ban pynïakhlad, kane ruh ka sen kala ïakren janai biang bad u DC ym dei shuh ban jia nang ne shakhmat, kumba jia ha kine ki bnai kiba lah dep.
Naka liang jong u DC u la pdiang bad u lah kular baroh ïa kane ba ka seng ka la wan rah haka miej, shuh shuh ula kubur ba un leh ïa kaba donkam bad kum kine ki jingjia kim dei ban jia shuh nangne shakhmat.
