Leit kyrkhu u Apostolic Nuncio ïa ka lum jingtep jong u Myntri Rangbah barim ka jylla

Shillong, Lber 01: U Nongrah ktien ka Vatican sha India bad Nepal u Rev. Leopoldo Girelili Apostolic Nuncio ha ka jingwan ka jong u ha ka sien kaba nyngkong ban wan jngoh ïa ka Garo Hill u la leit ban pynlong ïa ka jingduwai ha lum jingtip ka Balang ha Tura ha kaba u la pynlong ka jingduwai kaba kyrpang na ka bynta u Purno A Sangma bam kwai ha dwar U Blei, u ba dei u Lamphang barim ka Lok Sabha ka Ri India bad Myntri Rangbah ba rim ka jylla Meghalaya.
Ha kane ka jingleit la synran da u Bishop Rev. Andrew R Marak Bishop ka Tura Diocese, u Bishop synrop ka Tura Diocese u Rev. Jose Chirackal, u Myntri Rangbah ka jylla u Conrad K Sangma, ha kane ka jingwan sha Tura la pdiang burom da ki riew ngeit kiba la pynpaw ka jingkmen ïa kane ka jingwan jong u.
Ha kane ka sngi da ki phew hajar ngut ki riew ngeit jong ka Balang Katholik kila wan ban ïa donlang ha ka Mass Bakhuid ha Sacred Heart Shrine, Tura, ki riew ngeit kila ïa wan na kylleng jong ka Garo Hills ban phla ïa la ka jingngeit ha kane ka jingwan u nongrah ktien u Kpa Bakhuid na Vatican sha India bad Nepal.