Shillong, Jylliew 20: u Myntri Rangbah, u Conrad Sangma ryngkat ka jingsynran lang u MLA ka Mawsynram, u Bah HM Shangpliang, u MDC, Bah Alvin Sawkmie bad ki ophisar, u la leit ban jngoh bad ïakynduh ïa ki lanot kiba la shah ktah ha ka jingshah lynshop mariang ha kine ki sngi baladep.
U Myntri Rangbah nalor ba i la ïakynduh ïa ki paidbah nongshong shnong, u la leit rung ruh ha ki ïing jong kito kiba la duh noh ïa kiba ieit ba thoiñ jong ki na kane ka jingshah ban bad jingshah pyn khyllem ki ïing ki sem.
Ha kajuh ka por u Myntri Rangbah, u la kular ba na ka liang ka sorkar kan pyrshang ban pynïoh lut ki lad jingïarap na ka bynta ki paidbah kiba la shah ktah na kane ka jingjia bad khamtam eh na ka bynta kito kiba la ïakynduh ïa ka jingduh noh ïa ki khun ki kti bad kiba haïing hasem.
