Leit jngoh ki samla pule ka Synod College ïa ka karkhana shna jingbam ïa ki jingri ha Umiam

Shillong, Naitung 06: Ki samla pule ka Synod College kiba dei na ka tnad Political Science kila leit ban jngoh ïa ka karkhana M/s Gemini Feed Mill shna jingbam ïa ki jingri kaba don ha Industrial Estate Umaim Ri Bhoi District.
Kine ki samla pule mynta ki dang hapdeng ka jingleh ïa ka Internship bad u SP News Agency ban sngewthuh ïa ka kam thoh khubor ha kane ka jylla Meghalaya, kane ka jingleit jngoh ïa katei ka jaka shna jingbam ïa ki jingri kum ka jingbam ïa ki Masi, ki Syair, ki Sniang bad Dohkha ka long ba kin sngewthuh ïa ka bynta kum ki nongthoh khubor.
Ha kane ka jngleit jong ki kila ïa kynduh ia u trai jong ka M/s Gemini Feed Mill u bah Doniwan Wahlang ha kaba kila ïa kren bad kylli ruh ïa ki kam kiba ïa dei bad kane ka kam kaba trei ban seng ïa kane ka karkhana.
Ki jingkylli kiba la buh ha khmat ka long ha kaba ïadei bad ka jingdon kam ïa ki nongtrei, halor kane u bah Doniwan la ong ba kane ka dei ka kam kaba eh shisha namar jynjar ban ïoh nongtrei khamtam ha kaba trei bor met, namar kane ka don kam bun ki ban trei bor met.
Haba ïadei bad ki tiar kiba pyndon kam ha kaba pynmih ïa ka jingbam ïa ki jingri u bah Doniwan la pynsngew sha ki samla pule ba baroh ki wan na sha bar, ba don kam eh ha kane kaba pynmih jingbam dei u riew hadem u ba ka jylla ka lah ban pynmih hynrei kumba ka long mynta kam lah ban pynmih.
Ha ka juh ka por la ïathuh ba kane ka bynta ka lat ka dang don shibun ba ki samla pule kin wan sha khmat ban shim kum kalat ban seng kam la jong, da kaba ri syiar, ri syniang, masi bad kum juh ka ri dohka, kane ka bynta ka dei ka bun ki samla pule mynta kila wan sha khmat namar ka jingïoh nong ka long kaba bun.