Leit jngoh ïa 65 tylli ki skul & ïaroh ïa ki nonghikai namar ka jingïalam lynti ïa ki samla jong ka Jylla

Shillong, Nailur, 02: Ka Border Security Force Meghalaya Frontier mynta ka sngi ka la rakhe ïa ka jingngeit jong ka Azadi Ka Amrit Mahotsav ha ka “run up to Teachers’ Day” bad leit jngoh ïa 65 tylli ki skul ha ki jaka khappud bad ki jaka ba marjan bad kine bad pynlong ïa ki prokram bapher bapher.
U IG, BSF Meghalaya Frontier, u Inderjit Singh Rana u la ai khublei ïa ki nonghikai bad ong ba kilong ki nuksa ïa ki samla ki ban long ki rishot jong ka ri ha ki por ban wan.
Ka BSF ka la thaw ïa ki kynhun bapher bapher ha ki Frontier, Sector bad Unit bad ha ki prokram bapher bapher, la pyni ïa ki documentary halor ka BSF ban pynshlur bad ai jinghikai ïa ki samla shaphang ka rukom pynrung kam jong kane ka kynhun shipai.
Da ka jingthmu ban pynrung shuh shuh ïa ki samla hapoh ka kynhun shipai BSF, la sam ïa ki kot lyngkdop halor ka rukom pynrung kam na ka bynta ki kyrdan Constable, Assistant Sub-Inspector, bad Sub-inspector & Assistant commandant hapdeng ki samla pule ban pynsngewthuh halor kane.
Ki heh ophisar jong ka BSF bad ki Jawan ki la ai ki jingkren pyrshah ïa ki drok bad ki kam thombor ha ka imlang sahlang. La pynlong ruh ïa ka jingpyni nam ïa ki tiar ïaleh ha ki skul bapher bapher ha kylleng ka Jylla. Ka BSF ka thmu ban pynshlur ïa ki samla bad wanrah ka mynsiem ieid ri, ka jingïatylli ka ri ha ki bad pynshlur ïa ki ban nohsynniang sha ka roi ka par jong kawei ka ri bad ki jaka khappud.
La khmih lynti ba ki prokram ba la pynlong kin kyntiew ïa ka mynsiem ieid ri, ka jingïatylli ka ri bad ka jingïashim bynta ki pateng ban wan khnang ba kin long ki nongshong shnong ka ri India kiba ai jingmyntoi bad kiba don jingbahkhlieh na ka bynta ka ri.