Shillong, Rymphang 4 : U Myntri ka tnad PHE u Marcuise N Marak u la leit ban ïashim bynta ha ka jingïalang ban thaw ïa ka polisi na ka bynta ban pyntreikam bad bud dien ïa ka skhim umdih sha man la ki thliew ïing ka Jal Jeevan Mission (JJM). ïa kane ka jingïalang la lum da u myntri ka tnad Jal Shakti ka sorkar pdeng.
Haba kren bad ki lad pathai khubor u Myntri u la ïathuh ba u myntri ka sorkar pdeng u la lum ïa baroh ki myntri PHE na baroh ki jylla hapoh ka ri ban ïakren ïa ka polisi kumno ban pyntreikam bad bud dien ïa ka skhim JMM hadien ba la dep shna bad pynpoi um sha ki thliew ïing jog ki briew.
U la ïathuh kiba bun ki jylla ki la ud halor ka jingbym lait ka pisa na ka sorkar pdeng sha ki sorkar jylla ha kaba pyntrei ïa ka JJM.
“ La jan man la kawei pa kawei ka jylla ki ud ïa ka jingsah teng ki bill bad halor kane ka sorkar pdeng ka la shim khia bad u myntri ka Jal Shakti da lade u la kular ba un bud dien ïa kane ka kam bad pynbeit hapoh une u bnai Rymphang.
