Shillong, Nailur 20 : U Myntri ka tnad Animal Husbandary & Veterinary ka sorkar jylla, Bah AL Hek ha ka Sngi Thohdieng u la leit ban ïa kynduh ïa u Myntri ka tnad DONER u Jyotiraditya Scindia ha ïing sah jong u ban ai kren na ka bynta ki kam pynroi ha ka jylla.
Katkum ka kyrwoh la ïathuh ba na ka liang u Myntri ka sorkar pdeng u la ai ka jingïaroh ïa ka jingitynnad ka mei mariang ha Meghalaya bad ong ba ka don shibun ka kabu ksiar na ka bynta ki kam jngohkai pyrthei bad ki lad ban kamai lyngba ki projek kam lajong khamtam haba ïadei bad ki kam ri jingri bad kam ri dohkha.
La ïathuh ba na ka liang u Myntri ka Sorkar Pdeng u la pynpaw ruh ïa ka jingthrang jong u ba kyntiew ïa ka thain na ka bynta ban pynneh pynsah ïa ka tynrai bad ka kolshor na ka bynta ka jingmyntoi jong ki paidbah riewlum jong ka thaiñ.
